इंग्ल्याण्डलाई घर पठाएर सनसनी मच्चाएको आइसल्याण्ड रोकिएला फ्रान्ससँग ?

एजेन्सी,असार १९ । युरोकप फुटवलको क्वाटर फाइनलको अन्तिम खेलमा आज आइसल्याण्डले आयोजक फ्रान्सको सामना गर्दैछ । इंग्ल्याण्डलाई प्रि-क्वाटरफाइनलबाटै घर पठाएर सनसनी मच्चाएको आइसल्याण्ड फ्रान्सलाई क्वाटरफाइनलबाटै घर फर्काउने दाउमा रहेको छ । फ्रान्सको खराव लय जारी रहँदा आइसल्याण्ड प्रतियोगितामा अपराजित यात्रा कायमै राख्दै आएको छ । 

इतिहास हेर्ने हो भने फ्रान्सलाई आइसल्याण्डले अहिलेसम्म हराउन सकेको छैन । पछिल्लो ११ खेलमा फ्रान्सले ३ खेल जितेको छ भने बाँकी बराबरीमा सकिएका थिए । यता फ्रान्स पछिल्ला ८ खेलमा अपराजित छ । पेरिसस्थित स्टेड डि फ्रान्समा घरेलु टोलीले आइसल्याण्डसँग नेपाली समयअनुसार आज राति पौने १ बजे खेल्नेछ ।

Share your thoughts: