स्पेनिस ला लिगा लिडर बार्सिलोना बराबरीमा रोकियो

एजेन्सी – स्पेनिस ला लिगा फुटबलमा शिर्ष स्थानको बार्सिलोना बराबरीमा रोकिएको छ । बिहीबार राति भएको खेलमा बार्सिलोना रेलिगेसन जोनको टोली लास पाल्माससँग १ – १ गोलको बराबरीमा रोकिएको हो ।

लास पाल्मासको घरेलु मैदानमा भएको खेलमा सुरुवाती अग्रता जोगाउन नसक्दा बार्सिलोनाले अंक बाडेको हो । २१ औं मिनेटमा लियोनल मेस्सीको गोलमा बार्सिलोनाले अग्रता लिए पनि ४८ औं मिनेटमा क्यालेरीले पेनाल्टीमार्फत गोल गर्दै खेल बराबरीमा पुर्याए । यो नतिजासँगै बार्सिलोनाको अपराजित यात्रा ३३ खेलसम्म पुगेको छ ।
यो बराबरीसँगै बार्सिलोनाले २६ खेलबाट ६६ अंक जोडेको छ । बार्सिलोना दोस्रो स्थानको एथ्लेटिको मड्रिडभन्दा ५ अंकले अघि रहेको छ । लास पाल्मास २० अंक जोडेर लिगको पुछारबाट तेस्रो स्थानमा छ ।



Share your thoughts: