श्रीस्टार आयल इन्डियासँग बराबरीमा रोकियो

काठमडौं,असोज ७ । नेपालको राष्ट्रिय लिग बिजेता रुस्लान थ्रीस्टार क्लब आयल इन्डियासँग बराबरीमा रोकिएको छ ।  भारतको सिलोङमा जारी ६४ औँ संस्करणको भारत रत्न लोकप्रिय गोपिनाथ बोर्डोलोई ट्रफीमा श्रीस्टारले १-१ को बराबरी खेल्दै अंक बाँडेको हो । आयल इन्डियाबिरुद्ध जित हात पार्न सकेको भए श्रीस्टारले  एक खेल अगावै प्रतियोगिताको अन्तिम चारमा स्थान पक्का गर्ने थियो ।  बिजय धिमालको रेडकार्ड संगै १० खेलाडीमा सिमित  थ्रीस्टार  ९० मिनेटको बिजय गुरुङको गोलगर्दै १ अंक जुटाउन सफल भएको छ ।

खेलको ७ औ मिनेटमा पछि परेको श्रीस्टारलाई बराबरी गर्न ९० औं मिनेट सम्म कुर्न पर्यो । खेलको २६औ मिनेटमा पहेलो कार्ड पाएको बिजय धिमालले ४२ मिनेटमा अर्को पहेलो कार्ड पाएपछी थ्री स्टार १० खेलाडीमा सिमित भएको थियो । थ्रीस्टारले पहिलो खेलमा नागाल्याण्डको बारक फुटबल क्लबबिरुद्ध ६–१ प्रभावशाली जित निकालेको थियो । यस्तै ओयल इन्डियाले लिग चरणको पहिलो खेलमा सिलोङ लाजोङ फुटबल क्लबसंग १–१ गोलको बराबरी खेलेको थियो ।

समुह ए अन्तर्गत बुधबार भएको आफ्नो दोस्रो खेलमा बारक फुटबल क्लबलाई ५–० ले पराजित गर्दै सिलोङ लाजोङ चार अंक सहित समुह एको शिर्ष स्थानमा छ ।  थ्री स्टारको अर्को खेल भोली शिलोङ लाजोङसग हुनेछ ।



Share your thoughts: