एथ्लेटिकोलाई पराजित गर्दै रियल शीर्ष स्थानमा उक्लियो

काठमाडौं,मंसिर ५ । स्पेनिस घरेलु लिग ‘ला लिगा’मा क्रिष्टियानो रोनाल्डोको ह्याट्रिकको मद्दतमा रियल मड्रिडले चिरप्रतिद्धन्द्धी एथ्लेटिको मड्रिडलाई पराजित गर्दै लिको शीर्षा स्थानमा उक्लेको छ । शनिबार राति भएको खेलमा रियल मड्रिडले शहरी प्रतिद्वन्द्वी एथ्लेटिको मड्रिडमाथि ३—० गोल अन्तरको पराजित गर्दै शानदार जित दर्ता गरेको छ ।

घरेलु मैदान बेर्नाबाउमा भएको खेलमा रोनाल्डोले २३ औं मिनेटमा खाता खोलेका थिए । बाँकी दुई गोल भने दोस्रो हाफमा भयो । ७१ औं मिनेटमा पेनाल्टी गोलमार्फत अग्ता दोब्बर पारेका उनले ७७ औं मिनेटमा हृयाट्रक पूरा गरे । यो रोनाल्डोको करियरको ३९ औं हृयाट्रिक हो ।

जितसँगै रियल मड्रिडले ला लिगामा १२ खेलको समाप्तिमा ३० अंककासाथ शीर्ष स्थानमा उक्लेको छ । योसँगै दोस्रो स्थानमा रहेको बार्सिलोना भन्दा चार अंकको अग्रता कायम गरेको छ । दोस्रो स्थानमा रहेको बार्सिलोनाको समान खेलबाट २६ अंक रहेको छ भने सेभिल्ला २४ अंकसहित तेस्रो स्थानमा रहेको छ ।

Share your thoughts: