रोनाल्डो र पेपे प्रशिक्षणमा फर्किए

एजेन्सी,साउन २८ ।  युरोकप २०१६ पछि बिदामा रहेका क्रिष्टियानो रोनाल्डो र पेपे रियल मड्रिडको प्रशिक्षणमा फर्किएका छन् ।  रोनाल्डो र पेपे बुधबार नयाँ सिजनको लागि क्लबको प्रशिक्षण क्याम्पमा फर्किएका हुन् । रोनाल्डोको कप्तानीमा रहेको पेपेसहितको टिमले पोर्चुगललाई पहिलो पटक युरोकपको उपाधि दिलाएका थिए ।  दुवै खेलाडीले राष्ट्रिय टिमको जिम्मेवारीका कारण क्लबका अरु खेलाडीले भन्दा केही समय धेरै बिदा पाएका थिए । 

रोनाल्डो र पेपे दुवै मंगलबार राति भएको युइएफए सुपर कपको खेलमा टिममा थिएनन् । रियल मड्रिडले सेभिल्लालाई हराएर सुपर कपको उपाधि जितेको थियो । यस्तै ग्यारेथ बेल र टोनी क्रस पनि बिदा सकाएर क्लब फर्किएका छन् । 

Share your thoughts: