फुटबल र क्रिकेटलाई जिल्याउँदै भलिबल बन्यो नेपालको राष्ट्रिय खेल

काठमाडौ- सरकारले भलिबललाई नेपालको राष्ट्रिय खेलको रुपमा मान्यता दिएको छ।  सोमवार साँझ बसेको मन्त्रिपरिषद् बैठकले भलिबल खेललाई राष्ट्रिय खेलको रुपमा मान्यता प्रदान गरिएको सरकारका प्रवक्ता एवं सूचना तथा सञ्चार मन्त्री सुरेन्द्रकुमार कार्कीले बताएका छन्।  डन्डिबियोलाई नेपालको राष्ट्रिय खेल भनेर धेरैले भन्ने गरे पनि त्यसलाई सरकारले आधिकारिक मान्यता दिएको थिएन। लोकप्रियताको आधारमा फुटबल र क्रिकेटलाई पनि राष्ट्रिय खेल बनाउनु पर्ने तर्क उठेका थिए। 

तीन वर्षअघि युवा तथा खेलकुद मन्त्रालयले राष्ट्रिय खेल कुनलाई बनाउने भन्ने विषयमा सार्वजनिक रुपमा रायसुझाव माग गरेको थियो। यस सम्बन्धी निर्णय भने आज सरकारले गरेको हो।

Share your thoughts: